- Daniel Albertin resta president communal da la vischnanca d'Alvra. Sco quai che la vischnanca scriva, veglia el restar en uffizi fin la fin dal 2026. La raschun per sia decisiun saja, ch'i na dettia nagins candidats u candidatas che vulessan succeder ad el. Albertin aveva annunzià la stad da dar giu il presidi sin la fin da quest onn.
- En la regiun da Samignun è il tunnel Val Alpetta vegnì surdà al traffic. Quai suenter in temp da construcziun da 3 onns, scriva il chantun. Il tunnel ha da nov dus vials. Custà ha el bundant 16 milliuns francs. El è il segund d'en tut quatter projects da tunnel. Il tunnel Val Pischöt era vegnì surdà al traffic gia il 2017.
- L'INFRA, la possessura da l’infrastructura da la plazza aviatica da Samedan ha in nov mainagestiun. Marc Schürer da Bever surpiglia questa funcziun a partir dal prim da december. El succeda a Reto Giovanoli. Sco quai che l'INFRA scriva, saja Marc Schürer in expert da l’aviatica.
Il di en survista:
Themen in diesem Newsticker
- Attatgas israelianas datiers da Damascus
- Eric Nussbaumer discuttescha cun UE davart relaziuns futuras
- Consequenzas tar Operation Libero suenter cas Sanija Ameti
- Regenza tudestga cusseglia davart politica economica
- Ulteriurs 2'500 schuldads per Valencia
- Daniel Albertin resta tuttina president communal d'Albula/Alvra
- ETH: Tribunal federal refusa assistent per student cun impediment
- Otg persunas davant tribunal spezial d'antiterrorissem
- Marc Schürer è nov mainagestiun da la plazza aviatica Samedan
- Samignun: avertura festiva dal nov tunnel Val Alpetta