Il president communal d'Alvra – Daniel Albertin – chala. Sin la fin da l’onn dat el giu tut ses uffizis politics, sco la vischnanca ha annunzià. L’elecziun substitutiva ha lieu l’atun da quest onn. Il prim da schaner 2025 surdat Daniel Albertin alura definitivamain ses uffizi ad in successur u ina successura.
Lunga carriera politica
Albertin ha fatg part gia dapi 30 onns a la suprastanza communala. Passa 20 onns è el gia en la funcziun da president communal – l’emprim da l’anteriura vischnanca Mon ed a partir dal 2015 alura da la vischnanca nov fusiunada Alvra. Uss sa retira l'um da 53 onns pia da tut ses uffizis politics.
Ils ultims onns haja el – ensemen cun ils ulteriurs commembers e commembras da la suprastanza – pudì contribuir sia part da furmar or da set differentas fracziuns ina vischnanca che funcziuna, vegn Albertin cità en la communicaziun:
Las numerusas incumbensas en connex cun la bova da Brinzauls e l'evacuaziun da la populaziun han demussà che la vischnanca funcziuna sco unitad. Or da set parts è naschì insatge nov e cumplet.
Tenor Daniel Albertin restan las incumbensas e decisiuns en connex cun la vischnanca – ch'ha blers lieus turistics en la regiun – pretensiusas. Ma Alvra saja posiziunà bain per il futur.
Or da l'achiv
Cun la bova da Brinzauls dal 2023 eran Daniel Albertin e la suprastanza da la vischnanca d'Alvra confruntadd cun ina situaziun extraordinaria. RTR ha rapportà:
