- In donn finanzial da plirs tozzels milliuns francs e pussaivlas cugliunarias en 26 cas. Quai è il resultat d'in rapport da la Controlla federala da finanzas, EFK, davart la cumpra da panzers Leopard 1 entras la RUAG. En tut ha la EFK publitgà trais rapports davart la lavur da la RUAG. Sper il cas da cugliunaria crititgescha la Controlla da finanzas era la direcziun dal concern e la Confederaziun.
- Il schef da l'armada Thomas Süssli ed il schef dal servetsch d'infurmaziun Christian Dussey dattan giu lur posts. Quai rapporta SRF sin basa da rescherchas. Sco emprima ha l'NZZ rapportà. Süssli tiria las consequenzas en connex cun problems tar projects da cumpra. El chala sin la fin dal 2025. Dussey resta en uffizi enfin il mars 2026.
- Il siemi da l'EHC Arosa da far il pass en la Swiss League è schluppà. Tenor ina communicaziun dal club da hockey d'Arosa, ha la cumissiun da licenza refusà sia candidatura per motivs formals. Sco che l'EHC Arosa scriva hajan ins gì temp fin ier, glindesdi saira, dad acceptar ina cunvegna da promoziun. Il club vuleva dentant anc sclerir in punct: Ins vuleva avair l'approvaziun per far tranter Nadal e Bumaun in gieu da hockey tradiziunal encunter in club da la liga naziunala – il «Arosa Ice Classic». Pir lura vulevan ins suttascriver la cunvegna. Ins n'haja dentant mai survegnì ina resposta da la liga. Perencunter ha la liga taxà la dumonda dad Arosa sco «betg inoltrada».
Il di en survista
Themen in diesem Newsticker
- Canorta Schons è definitivamain suttetg
- Hockey regiunal: Arosa gudogna e Partenz-Signuradi perda
- HCD cuntanscha playoffs cun victoria cunter ZSC Lions
- Materias primas: Ucraina e Stadis Unids sajan sa cunvegnids
- Marc Wieser ha la 1'000avla partida en la liga naziunala
- Nations League: Svizras perdan 1:2 encunter la Norvegia
- «Speranza datti en mintga cas, mo appunto era la tema»
- WHO: Memia paucs raps per Strivla da Gaza
- Fabian Frei termineschia sia carriera
- Socialdemocrats pretendan PUK per la Ruag