- En Germania ha l'uniun da las partidas conservativas CDU e CSU gudagnà las elecziuns. L'uniun survegn 29% da las vuschs. Il schef da la CDU Friedrich Merz daventa uschia probablamain il nov chanzelier. Per furmar ina regenza vul el uss cumenzar uschè spert sco pussaivel cun tractativas da coaliziun cun la partida socialdemocratica SPD.
- La bursa svizra ha cuntanschì in nov nivel da record: L’index dal martgà svizzer SMI ha surpassà glindesdi marvegl la marca da 13'000 puncts. Temporarmain ha el nudà tar 13’015 puncts. Quai èn 18 puncts dapli ch’il vegl record che datescha dal schaner 2022. Tenor commerziants èn investiders en l’entir’Europa levgiads ch’i n’haja dà naginas surpraisas pli grondas da las elecziuns parlamentaras en Germania. Il Swiss Market Index cumpiglia las 20 interpresas las pli grondas da la Svizra ch’èn quotadas a la bursa. El exista dapi il 1988.
- En vista a la guerra ch'ha cumenzà oz avant trais onns è il president ucranais Wolodimir Selenski sa drizzà a la populaziun. El saja losch da trais onns resistenza ed eroissem da las Ucranaisas e dals Ucranais. L’Uniun europeica empermetta ulteriur agid per l’Ucraina. Ursula von der Leyen ha annunzià in plan d’armaziun. Gia il mars duaja dar pajaments da 3,5 milliardas euros. Ella veglia proximamain preschentar in plan detaglià co che l’UE possia augmentar sia producziun d’armas e sias capacitads da defensiun.
Il di en survista
Themen in diesem Newsticker
- Trump ha beneventà Macron a Washington
- Freeski e snowboard: Final da «Snow League» 2026 a Laax
- La pendiculara Säntis vegn modernisada per 23 milliuns francs
- Roberta Flack è morta cun 88 onns
- Apple vul crear 20'000 novas plazzas en ils Stadis Unids
- Russia tschenta las cundiziuns per ina fin da la guerra
- A Langnau pon ins emprestar art per 25 francs
- Germania: 23 victurs da elecziuns èn senza sez en il Bundestag
- Habeck vul desister d'ina rolla centrala suenter schleppa
- «Bündnis Sahra Wagenknecht» po cnap betg en parlament tudestg