- A Cuira è la surbajegiada Cadonau sut la clinica Waldhaus fitg probabel giud maisa. Duas expertisas da la Confederaziun vegnan numnadamain a la conclusiun che las 12 chasas che sa chattan sin l'areal na dastgan betg vegnir spazzadas. Tant la cumissiun per la natira e la protecziun da la patria sco er quella per la tgira da monuments valiteschan l'abitadi sco monument degn da vegnir protegì, sco las gasettas da Somedia rapportan. Dà l'incumbensa per las expertisas aveva la dretgira superiura dal chantun. Sch'i giess tenor il chantun e la citad vegnissi construì sin l'areal Cadonau 125 abitaziuns ed ina garascha sutterrana. L'ultim pled en chaussa ha però la dretgira superiura.
- Causa d'in trend da far recurs cunter dumondas da fabrica èn adina dapli uffizis da construcziun en Grischun frustrads. Pliras vischnancas rapportan sin dumonda dad RTR ch'i constateschan in trend d'inoltrar adina dapli objecziuns e recurs cunter dumondas da construcziun. Adina dapli projects da fabrica vegnan retardads u impedids tras objecziuns.
- En l’entira Svizra han oz las sirenas tibà. Igl è stà il test annual. En il Grischun han 336 sirenas funcziunau, mo duas betg. En Svizra èn passa 5'000 sirenas vegnidas testadas e 99% han funcziunà.
Il di en survista
Themen in diesem Newsticker
- Comité da l'iniziativa d'Europa sa focussescha sin bilateralas
- Test da sirenas – be 2 n'han betg funcziunà en Grischun
- Posta transferescha 2 centers – 140 plazzas da lavur pertutgadas
- La droga Fentanyl fa quitads a la citad da Turitg
- Skis: Rogentin è il pli svelt Svizzer tar emprim trenament
- UE vul franar products bunmartgads or da la China cun taxa
- Ursin Spescha terminescha carriera da mountainbiker
- Recurs cunter ovra atomara a Leibstadt
- Record tar vendita d'aur
- Oz ha lieu il test annual da sirenas