- La regenza grischuna refusa da pajar ina indemnisaziun al whistleblower Adam Quadroni per sia rolla en la scuverta dal cartel da construcziun. La raschun persuenter saja che la basa legala manca. Mintga expensa dovri ina basa legala, uschia la regenza en sia argumentaziun. Malgrà che las acziuns da whistleblowing dad Adam Quadroni han manà a la scuverta dal cartel ed han purtà al chantun respargns da milliuns, manchia la basa legala per pajaments a whistleblowers. Persuenter desista la regenza da pretensiuns avertas finanzialas ed ella renconuscha er la situaziun persunala difficila dad Adam Quadroni.
- La banca gronda svizra UBS ha fatg l'onn passà in gudogn da 5,1 milliardas dollars. Las spetgas dal martgà èn cunquai danovamain vegnidas surpassadas. Concernent l'integraziun da la Credit Suisse sajan ins sin curs. La federaziun tetgala da l'economia Economiesuisse pretenda in bun egl tar la regulaziun da las bancas. La finamira da novas perscripziuns per las bancas relevantas per il sistem stoppia esser ina plazza da finanzas abla da concurrer ed a medem temp stabila, communitgescha Economiesuisse. La Svizra dovria ina ferma UBS. Quai na muntia però betg che la regulaziun da bancas existenta na stoppia betg vegnir surlavurada.
- I n'ha betg dal tut tanschì per la Svizra a l'event da team parallel. A l'emprima cursa dals campiunadis mundials da ski alpin a Saalbach perda l'equipa cun Wendy Holdener, Luca Aereni, Delphine Darbellay e Thomas Tumler il final cunter l'Italia. Omaduas naziuns han fatg dus puncts, ils Talians han dentant gì il meglier temp cumbinà.
Il di en survista
Themen in diesem Newsticker
- Tesla venda pli paucs autos
- Juliette Binoche presidiescha giuria da festival da film a Cannes
- Italia va per aur – la Svizra gudogna argient
- Bencic gudogna emprim gieu ad Abu Dhabi
- 15 praschuniers palestinais èn arrivads en Tirchia
- Vallais è sin l'endretga via cun la regulaziun dals lufs
- Noah Okafor dat l'auter onn per Napoli
- USA vulan access a terras raras da l'Ucraina
- Chantun refusa indemnisaziun ad Adam Quadroni
- Santorini: tema da la frequenza dals terratrembels