- A Brinzauls na fan ils geologs betg pli quint che material pudess vegnir a val svelt da moda spontana. Tuttina veglia quai betg dir che la populaziun possia turnar en il vitg, uschia ha infurmà la vischnanca d'Albula/Alvra en ses bulletin regular.
- En la branscha da sport d'enviern datti ina novaziun, numnadamain in pass surregiunal da trais territoris da skis. La carta cun il num AlpsPass vala per ils territoris dad Adelboden-Lenk, Aletsch Arena, Engelberg-Titlis e la regiun Jungfrau. Cumpiglià èn er trais dis da skis sin las pistas da Tavau/Claustra, Arosa-Lai e Laax.
- L'EHC Arosa fa recurs perquai che la cumissiun da licenza aveva renvià la candidatura dad Arosa per ina eventuala promoziun en la Swiss League, ord motivs formals. L'instanza da recurs da la segund auta liga ha uss d'examinar, schebain ins po entrar en recurs e schebain la licenza po vegnir dada.
- En il skicross ha Fanny Smith suenter dus onns puspè pudì festivar ina victoria en la cuppa mundiala. Talina Gantenbein è daventada otgavla en la cursa a Gudauri en Georgia. Tar ils umens hai dà nagin podest svizzer, Tobias Baur ha manchentà quel sco quart stgars.
Themen in diesem Newsticker
- Julius Bär propona Noel Quinn sco president
- Cun il papa Francestg vai puspè mender
- Simon Ammann sa qualifitgescha per il campiunadi mundial
- Disput tranter Selenski e Trump
- Las portas dal Jelmoli a Turitg èn serradas per adina
- President dal cussegl administrativ da la Ruag sa retira
- Roger Nordmann demissiunescha
- Italia vul turnar a la forza atomara
- Intransparenza areguard lubientscha per ovra electrica
- EHC Arosa fa recurs