Ils emprims dus dis hai gì num da sa preparar, sa fatschentar cun Panaduz e chattar persunas ed istorgias interessantas. Grazia a contacts, pliras retschertgas ed inputs dals auditurs da Radio RTR avain nus pudì crear in bel plan per l’emna.
Blers abitants han proponì da visitar l'istoricher da hobi ed anteriur postin dal vitg Fridolin Gieriet e sia dunna Edith. Uschia essan nus il mardi suentermezdi sa fatschentads cun l’istorgia dal vitg. El ha per exempel raquintà a moda e maniera fitg interessanta davart ils 3 mazzaments a Panaduz:
Dentant era da l’incendi dal 1908 ha el rimnà blers documents ed ha discurrì da l’eveniment desastrus:
Era d’ina dispita religiusa hai dà bler da raquintar. Uschia che nus avain chapì meglier, pertge ch’ils da Razén e da Panaduz èn durant il passà adina puspè stads rivalisads:
La saira essan nus lura anc stads tar Gieri Cathomen, l’anteriur president da la societad da musica a Panaduz. El ha accentuà quant impurtantas che uniuns èn per il vitg:
Mesemna avain nus anc visità autras uniuns. Numnadamain ils «Kackvögel». I sa tracta d’ina gruppa d’amis che s’engascha per il vitg cun organisar festas u participar al tschaiver:
Ed era cun il linguatg essan nus sa fatschentads. Panaduz ch’è oriundamain ina vischnanca rumantscha è en il decurs dal temp daventà adina pli tudestg. Nus avain visità la Basilaisa Francestga Staehelin ch’ha emprendì rumantsch per mantegnair il linguatg rar:
E la gievgia essan nus sa focusads sin la vita e cretta. A Panaduz datti in dals 90 santeris da guaud en Svizra. Il responsabel ed iniziant Andreas Weber ha declerà co quai funcziuna:
E sco davos avain nus anc visità Sandro ed Othmar Sprecher da la fatschenta da segirtad Sprecher Security. Dapi onns datti numnadamain nagin policist dal vitg pli. Uschia ch’els han survegnì l’incumbensa da surpigliar las lavurs dal policist da vitg. El ha declerà co quai funcziuna e ch’ils abitants apprezieschian lur lavur.