Sch’ins sfeglia tras il register d’uniuns da la vischnanca dat cunzunt ina uniun en egl numnadamain ils «Kackvögel». Il president da l’uniun è Urs Candrian da Panaduz. El declera che l’uniun haja ina lunga istorgia. Pli baud sco giuvens sajan ils 9 umens che s’enconuschan dapi l’uffanza tuts stads ballapedists. L’onn 1989 han els fundà l’uniun per savair dar sco gruppa tar turniers da divertiment.
Ussa èsi dentant bler dapli. L’uniun s’engascha en il vitg da Panaduz e fa mintg’onn part tar il til da tschaiver e decorescha las ustarias dal vitg. Fin avant in pèr onns han els era organisà ina festa da guaud a Panaduz che saja vegnida schazegiada dals abitants.
In commember declera il recept da lur amicizia ch'è anc adina fitg stretga:
En in tschaler da club sa scuntran els enturn 4 giadas ad onn. Il tschaler giascha en sin il plaun sutterran dad in dals commembers. Vid las paraids pendan regurdientschas da temps passads.
Il commember ch’ha il tschaler da club declera co quel è vegnì bajegià:
Dentant sajan bleras bellas regurdientschas era naschidas ordvart il tschaler. Cunquai ch’els han fundà in’uniun datti mintga pèr onns in giubileum.
In commember declera ch’els han lura fatg plirs viadis. Ed èn era stads a guardar gieus da ballape cun teams internaziunals en l’exteriur:
E sch’els èn sin quels viadis pli gronds lura portan els tradiziunalmain il tricot da lur uniun. Sin quel stat en letras grondas «Kackvögel». Quai saja adina puspè divertent di in dals commembers:
Ils «Kackvögel» sajan ina truppa averta ed uschia vegnian els era gugent en contact cun auters.
Dad insacura schliar l’uniun na vegnia betg en dumonda. Sco il president Urs Candrian declera vegnian els era en il futur restar ina banda da lumpazis: