Adina dapli persunas vulan star a Tavau, il spazi da viver saja stgars. Ils tschains d'abitar sajan creschids per 9% tranter 2019 e 2022. Per garantir avunda spazi d'abitar per persunas indigens, ha la regenza da Tavau decidì ina strategia.
La finamira centrala è d'avair avunda spazi d'abitar pajabel ch'è adattà per differents basegns. Las analisas da la citad mussan ch'ins stoppia surtut resguardar ils interess da famiglias giuvnas, persunas attempadas e persunas che vivan persuls.
Finamiras concretas
En il center stat da stgaffir emprimas abitaziuns. Enfin il 2032 quintan ins cun 650 enfin 700 ulteriuras emprimas abitaziuns. Intgins projects sajan gia en realisaziun. Per proxim onn vul la vischnanca lantschar dus projects per famiglias e lavurants. Plinavant vul la vischnanca er mantegnair primas abitaziuns existentas.
Per cuntanscher las finamiras sto vegnir construì dapli. Cun daners ord fonds existents duai la construcziun d'abitaziuns vegnir promovida. Plinavant stettian a disposiziun daners ord il plan da finanzas actual da la vischnanca.
Per intgins puncts da la strategia sto anc vegnir adattà il plan da zonas. Plinavant duai il parlament da Tavau – il «Grosser Landrat» – decider davart in credit per construir abitaziuns. Er la populaziun duess quest onn anc decider en chaussa.
Adattà al tema
Osps da vacanzas chattan a Tavau spert ina chombra u abitaziun – quai er grazia a la purschida d'Airbnb. Per osps da vacanzas ina grondiusa chaussa dentant betg per indigens che tschertgan in'abitaziun.
