Ina maioritad dals votants e da las votantas da Mustér han ditg Na al credit da 390'000 francs per ina punt pendenta tranter Mustér e Mumpé Medel. La decisiun negativa è crudada cun 537 cunter 448 vuschs. La participaziun a la votaziun munta a 67,6%.
Mustér: Credit per punt pendenta
GEA 45%, Na 55%
Resultat
Suenter ch'il parlament communal aveva gia approvà il credit era vegnì inoltrà in referendum. Cunquai ha il suveran gì da decider.
La vischnanca da Mustér avess contribuì cun questa summa, a circa in quart dals custs da la nova punt. Il plan era ch'il rest dals daners vegniss da privats e dal chantun. La vischnanca da Mustér fiss en il futur stada responsabla per il mantegniment da la punt pendenta.
