Quai che succeda il mument sin prads e pastgiras saja ina trista realitad – chaschunada entras il luf. En in communicaziun a las medias fa la suprastanza da l’Uniun purila grischuna attenta sin la situaziun actuala, nua ch’i haja dà il davos temp numerusas attatgas da lufs sin muntaneras.
L'augment dal dumber da lufs e la situaziun che quels hajan pers la tema da sa trategnair si en la vischinanza da territori abità pericliteschia la segirtad e saja in problem cun consequenzas negativas. Era cun gronds sforz materials e persunals na vegnian ils purs betg pli da proteger las muntaneras envers las attatgas dil lufs, constatescha l’uniun purila.