Il parlament vul schluccar la protecziun dal luf. Sch’i va tenor il Cussegl federal dastgass il luf vegnir sajettà datiers da vischnancas e da muntaneras nursas. Betg lubì fissi dentant da sajettar in luf, sch’il triep è lunsch davent da vischnancas u muntaneras. Il Cussegl federal ha tramess en consultaziun l'ordinaziun da la lescha da chatscha. Cun quella vul il Cussegl federal sclerir, anc avant la votaziun a l'urna, co la lescha da chatscha vegniss realisada. Il suveran svizzer decida il settember 2020 davart la lescha.
Premissas per sajettar il luf
Definidas vegnan cunzunt las premissas per reglar la populaziun da lufs. Il luf vegn era a restar en la revedida lescha da chatscha ina spezia d'animal ch'è protegida e na dastga betg vegnir sajettada. El dumonda dal suveran in gea, scriva dentant era: ins duai pudair mantegnair ils trieps lufs.
Protegids èn luf-tscherver e castur
L'ordinaziun numna sper il luf be dus ulteriurs geners protegids nua ch'ins pudess regular la populaziun: il capricorn ed il cign dumesti. Per tut las autras spezias d'animals protegids vala ina protecziun rinforzada. Scumandà è oravant tut la regulaziun dal dumber dal luf-tscherver, castur, irun grisch ed il marel grond.
