Per il pur da Surin Martin Sgier èsi sta ina gronda surpraisa cura ch’el ha constatà glindesdi bun'ura che duas nursas èn blessadas entaifer la saiv. Suenter ina curta controlla ha el lura anc chattà las restanzas d’in tschut ch’il luf aveva stgarpà. Quel ha il luf mangia anc entaifer la saiv. Sco Martin Sgier ha ditg ad RTR vegnia la surveglianza da chatscha a survegliar intensivamain il territori.
«In tal luf n'è betg tolerabel»
In luf che surmunta ina saiv da protecziun montada correct n'è betg da tolerar.
Quai di Adrian Arquint il manader da l'Uffizi da chatscha:
Qua ha il luf effectivamain surpassà in cunfin. En noss ambient da cultura na va quai betg sch'el surpassa mesiras da protecziun ch'ins na po betg pretender dapli.
Cun la lescha vertenta na dastga la surveglianza da chatscha betg sajettar in luf problematic, avant che quel ha stgarpà 15 animals ord muntaneras protegidas. A Surin emprova la surveglianza da chatscha uss da spaventar il luf.
Ord l'archiv
Co èsi sch’ins entaupa in luf e po filmar el? Tge munta quai, sch’il luf stgarpa 60 nursas sin l'Alp Stutz?