La Sanasurselva è gia dapi passa quatter onns vi da planisar e instradar la Reit da sanadad Surselva. Ina rait che duai unir las instituziuns da sanadad sut in tetg. La gronda part da las instituziuns e da las vischnancas en Surselva vulan s’unir, ma pli ditg ch’il project va e pli bleras resalvas che vegnan a la glisch.
Uschia è la rait da sanadad anc betg fundada la fin da l'onn e surtut las vischnancas giudim la vallada han annunzià da betg vulair sa participar. Co tut cuntinuescha è il mument intschert, era perquai che las vischnancas da Laax e Schluein han fatg recurs a la Dretgira administrativa chantunala en connex cun ils protocols e tractandas. Uschia cumenzà l’onn nov per la Sanasurselva cun dar pled e fatg en quest connex. Planisà è da fundar la Reit da sanadad sin la fin dal favrer 2024.
