President dal Cussegl naziunal - Martin Candinas è vegnì festivà a Mustér

Mesemna suentermezdi hai dà a Mustér in act festiv cun in cortegi ed ina festa en la baselgia claustrala. In tren spezial cun Martin Candinas è charrà sur Andermatt a Mustér. El è arrivà las 14:00 e vegnì beneventà dal president dal Cussegl grond Tarzisius Caviezel ed ils presidents da Mustér, Sumvitg e Cuira. Era delegaziuns dals chantuns Appenzell, Argovia, Tessin, Uri e Schaffusa eran preschentas per l'occasiun speziala.

Silsuenter hai dà in cortegi accumpagnà d'uniuns da musica sursilvanas da la staziun a la baselgia claustrala nua che la part principala da la festa ha gì lieu – tranter auter cun pleds dal president da la regenza grischuna Marcus Caduff, cussegliera federala Viola Amherd ed accumpagnament musical da Mario Pacchioli e la sopranista Bettina Marugg-Herrmann cun il chor dal gimnasi da Mustér.

Impressiuns da las festivitads

Suenter las festivitads en la baselgia ha lieu in aperitiv per la populaziun sin la plazza da la claustra. Sonda suonda lura la festa en la patria da Martin Candinas a Rabius.

Davos las culissas da la festa