L’emprima badigliada ha gì lieu mo simbolicamain – senza excavatur, pala e chapellina. Ils responsabels han preschenta il project a la staziun a val da Flem dasper la cabina da model.
Tge che ditg dura, bain madira
Avant 7 onns è la pendiculara che manava sin il fil da Cassons vegnida stgarpada giu. Dapi lura ha la Arena Alva sviluppà differents projects, co colliar danov il territori – tant per la stad sco per l'enviern. Ussa vegn ina pendiculara construida che vala sco novaziun mundiala e duai funcziunar autonom.
Cumenzà cun retard
Oriundamain era sta planisà da spazzar la lingia Flem-Foppa-Naraus gia il 2022. Ina protesta d'ina persuna privata aveva però impedi quels plans. Ussa è la protesta liquidada e l'Arena Alva SA ha cumenzä cun las lavurs preparatoricas per la construcziun da las duas pendicularas navend da Flem enfin Stargels.
