29avla ediziun - «Städlifest» a Glion – bleras attracziuns e bler sulegl

audio

Impressiuns live da la Sentupada

05:07 min, ord Actualitad dals 10.08.2024. Maletg: RTR

laschar ir. Durada: 5 minutas 7 Secundas.

Tradiziunalmain ha il «Städtlifest» cumenzà cun in til davent da la Porta Sura fin a la plazza cumin. Davant marschava la musica da tschaiver «Grischalottas» accumpagnada da blers uffants cun instruments. L’act festiv il venderdi a las 18:00 ha da fina bell’aura attratg bleras persunas. La presidenta dal comité d’organisaziun Claudia Bracher ha beneventà las visitadras ed ils visitaders e fatg attent ch’il comité nov sa cumponia per gronda part da dunnas, quai che saja legraivel. Ella sa legria da far festa e da s’inscuntrar cun blera glieud, ha la presidenta nova ditg en ses pled d’avertura.

1 / 21

2 / 21

3 / 21

4 / 21

5 / 21

6 / 21

7 / 21

8 / 21

9 / 21

10 / 21

11 / 21

12 / 21

13 / 21

14 / 21

15 / 21

16 / 21

17 / 21

18 / 21

19 / 21

20 / 21

21 / 21

Collisiun da termins betg d’evitar

La proxima fin d’emna datti massa occurrenzas en il Grischun e surtut en Surselva. Uschia è il medem mument sco il «Städtlifest» era la festa da la citad da Cuira. Quai na saja betg d’evitar che quest termin crodia mintga pèr onns sin il medem datum, ha ditg la presidenta dal comité d’organisaziun Claudia Bracher. Els na quintian betg cun in disavantatg. Era la medema fin d’emna è il «RockSedrun» en Tujetsch e la finala en la citad da Turitg la famusa «Streetparade». Tge che tuttas occurrenzas han communabel quest onn è la buna aura ch’attira franc e segir la glieud en il liber ed a l’ina u l’autra purschida.