La petiziun per salvar il Radio Südostschweiz ha rimnà passa 12'500 suttascripziuns en ils davos trais mais. Sco ch'il comité scriva, hajan ins sentì tar las acziuns da rimnada la gronda solidaritad da la populaziun cun il radio.
Ils 29 da matg vegn la petiziun surdada al Departament federal per communicaziun a Berna. La petiziun pretenda che la decisiun da surdar la concessiun da radio per ils onns 2025 fin 2034 a Radio Alpin vegnia revidida, e che RSO survegnia quella.
La petiziun è vegnida lantschada il schaner dal comité cun il num «RSO, ds Radio vu do blibt do». La raschun è che RSO ha pers la concessiun da radio en Svizra sidorientala a Radio Alpin.
