Il 2019 ha la populaziun da Cuira ditg Gea ad in credit da fin a 30,5 milliuns francs per ina nova pendiculara da Cuira si Brambrüesch. Cunquai che las novas calculaziuns mussan che quests custs vegnan pli auts, ils responsabels quintan cun custs da radund 35 milliuns francs, è il parlament da Cuira s’occupà cun alternativas.
Incumbensa Cortesi senza schanza
En vista a la stgarsezza dals daners per il project aveva l'anteriur cusseglier da la PPS Mario Cortesi proponì ina versiun pli simpla per las pendicularas. Il parlament da Cuira ha dentant renvià l'incumbensa che Cortesi aveva inoltrà a sias uras, per in project da mo remplazzar la part sura da las pendicularas. Quai cun 14 cunter 7 vuschs.
Sco proxim examineschan las pendicularas sezzas nua ch’i pudess vegnir spargnà daners, e nua ch’ins pudess anc survegnir ulteriurs daners. Il resultat da questas stentas vegn dentant ad esser avant maun sin il pli baud il settember che vegn.
Tge ch’è dentant er anc pussaivel è, ch’i vegn insacura anc a dar in’ulteriura votaziun dal pievel. En lez cas vegniss sulettamain votà davart ils custs supplementars da la pendiculara, hai gì num.