Las interpresas d'electricitad Rhiienergie ed Axpo vulan en l'avegnir producir idrogen amiaivel al clima. Ensemen veglian ins construir in implant per varga 8 milliuns francs tar l'ovra electrica Reichenau a Domat, scrivan las interpresas en ina communicaziun. I giaja per producir idrogen verd cun la forza da l'aua dal Rain. La finamira saja da sbassar las emissiuns da CO2 en la regiun cun ina producziun annuala da 350 tonnas idrogen. Quella spargnass radund 1,5 milliuns liters diesel. La lubientscha da construcziun saja sin maisa, ils 23 da schaner hajan cumenzà las lavurs. L'implant duai ir en funcziun l'atun da quest onn.
Or da l'archiv