La Banca Chantunala Grischuna ha fatg l’onn passà in gudogn da record da 230,6 milliuns francs, in plus da bun 11%, cumpareglià cun l'onn avant. Quai ha communitgà la banca.
Da quest resultat profitescha er il chantun Grischun: El survegn bunamain 104 milliuns francs da la banca chantunala. E las investidras ed ils investiders survegnan ina dividenda da 47,50 francs per scrit da participaziun. Era las prognosas per l’onn current sajan positivas. Perquai quinta la GKB cun in gudogn da 200 fin 220 milliuns francs.
La banca chantunala administrescha en tut 49,2 milliardas francs per clients, quai èn 5,1% dapli che l'onn avant. Sco la banca scriva, hajan ins pudì acquirir 1,1 milliarda il onn 2023, plinavant han il svilup dal martgà da finanzas augmentà il volumen per 2,9 milliardas.
