Sper ina guida d'aventura, nua che l'exposiziun ha pudì vegnir percepida cun differents senns, hai era dà ina guida ch'è vegnida translatada en la lingua da segns. Ultra da quai è vegnì purschì in percurs cun fist da tschorvs, nua ch'ils visitaders han pudì experimentar, co ch'ins s'orientescha senza vesair.
La pli gronda sfida è stada da m'orientar en la stanza.
In lieu da scuntrada per tuts
I vegn entant savens lavurà gia davent da l'entschatta tar novas exposiziuns cun elements che sa drizzan als differents senns da percepziun. Da quai profiteschan er persunas senza impediments, perquai ch'ellas pon tras ils senns divers survegnir ina impressiun pli durabla da l'exposiziun.
Cun divers senns survegnan ins in auter access ad in tema.
Ultra da quai pon las visitas guidadas dal Museum retic vegnir adattadas sin dumonda als basegns individuals da las visitadras e dals visitaders cun impediments.
