77,2% da Grischuns e Grischunas èn per il nov center da furmaziun. I va per in credit da stgars 19 milliuns francs. Las lavurs da construcziun pon cumenzar la primavaira 2025 a Meiersboda, sin territori communal da Churwalden. Il center remplazza il bajetg existent ch'è var 50 onns vegl e na correspunda betg pli als basegns d'ozendi.
La participaziun è tar 40%, quai munta a bunamain 57'000 votants e votantas ch'han nizzegià il dretg da votar. Il pli cler Gea hai dà a Calanca cun passa 94% da las vuschs (65 Gea encunter 4 Na). Il resultat il pli gulivà hai dà a Rongellen. Là han 12 persunas ditg Gea e 10 Na (54,5% / 45,5%).
La cussegliera guvernativa responsabla per il project, Carmelia Maissen, è cuntenta cun il resultat. Quel mussia che las regiuns veglian la buna scolaziun, independent dal lieu dal center.
