Il grip sur Brinzauls sa muventa il mument uschè spert sco anc mai dapi las mesiraziuns il 2011. Ils geologs ed ils responsabels da la vischnanca sa cusseglian permanentamain. «Il pli impurtant è la segirtad da la populaziun», ha Daniel Albertin ditg a la radunanza communala da venderdi passà. Las numerursas crudadas da crappa dals davos dis fetschian quitads. Il svilup dal grip, vegnia il mument observà precis dal servetsch d'alarm.
Situaziun tendida
Cunquai che l'insla e la basa da l'insla da Brinzauls sa muventa il mument uschè spert sco dapi l'entschatta da las mesiraziuns betg pli, vegn la gruppa dals geologs er a stuair decider davart ina eventuala evacuaziun. Actualmain sa cussesglian ils experts duas giadas l'emna.
Ina evacuaziun è ussa pi probabla che anc avant in onn.
Ils plans ed il proceder per ina evacuaziun sajan pronts schon dapi trais onns.
