Sco quai ch’il president communal da la vischnanca Alvra ha ditg envers RTR, saja el levgià, ch’i n’haja dà nagins recurs. I saja fitg impurtant ch’ins possia cuntinuar cun las lavurs tenor plan. A partir da l’auter onn duai vegnir entschet a construir il tunnel da drenascha. Quellas lavurs vegnan a cuzzar radund dus onns. Il cussegl grond ha approvà in credit da 40 milliuns francs, la regenza sto anc approvar il credit. La vischnanca quinta ch'i duai reussir l’avust da quest onn. Tut questas lavurs ston vegnir fatgas perquai ch’il terren en il territori enturn Brinzauls sa mova fitg ferm.
