-
Bild 1 von 7. Brinzauls mardi da bun'ura: Mo schurnalistas e schurnalists sin via. Bildquelle: RTR.
-
Bild 2 von 7. La crappa da la bova . Bildquelle: RTR.
-
Bild 3 von 7. Marcellina Liesch ha chattà tar ses return in cristal sin la chista da brevs. Bildquelle: RTR.
-
Bild 4 von 7. Marcellina Liesch avant sia chasa a Brinzauls. Bildquelle: RTR.
-
Bild 5 von 7. Ludwig Bonifazi: «Jau er tut surprais cura che mes biadis han ditg: tat, pachetescha nus giain a chasa. Quai è stà in bel mument» . Bildquelle: RTR.
-
Bild 6 von 7. Herrmann Bossi: «Ir e puspè turnar quai è per nus insatge nunusità, ma quai è uss per nus bun uschia.» . Bildquelle: RTR.
-
Bild 7 von 7. Brinzauls mardi, l'emprim di suenter la fin da l'evacuaziun. Bildquelle: RTR.
Famiglia Liesch turna a chasa
Bab e mamma e trais uffants che han fin ils 15 da zercladur tgirà lur manaschi puril cun corp ed olma. 60 animals e 60 hectaras. Cunzunt per il bab Gian Liesch ch'è dapi sia giuventetgna a Brinzauls èsi stà in schoc lezza giada cura ch'igl ha gì num ch'els stoppian bandunar il vitg ed er evacuà ils animals.
Nus sperain che la normalitad turna puspè e nus pudain far vinavant sco avant l'evacuaziun.
Tant pli grond è uss il levgiament ch'els pon cuntinuar lur vita da famiglia e cun il manaschi puril a Brinzauls.
In sguard sin il cumià
Fasa melna – vitg avert
Suenter che la gronda part da l'uschenumnada «insla» è vegnida a val la notg dals 15 sin ils 16 da zercladur ha la glieud anc stuì avair in zic pazienza fin ch'ils geologs ed ed experts han evaluà la situaziun. 52 dis suenter l'evacuaziun e 18 dis suenter la bova èsi quest mardi uschè lunsch ch'il vitg vegn puspè avert. In scumond d'entrar datti be anc per la costa ed il conturn. Per il mument èsi tenor ils experts segir da viver en il vitg.
Per l'avegnir pudess l'uschenumnà «plateau» – la part che sa chatta aut sur il vitg, anc sur «l'insla» – daventar in privel. La sa chattan numnadamain anc ina giada dus fin quatter milliuns meters cubics crappa che pudess sa schluccar. Ina bova pudess ins però puspè annunziar baud avunda uschia ch'i restia il temp per evacuar danovamain.