La ferma plievgia dals davos dis haja procurà ch'il terren sur Brinzauls sa muventia pli spert. Actualmain vegnian las massas da grava giuadora cun ina sveltezza da 10 centimeters per di, ha ditg il responsabel per la communicaziun da la vischnanca Albula/Alvra, Christian Gartmann sin dumonda da RTR.
Il material che smanatscha da vegnir a val è da quel ch'è gia vegnì liber il zercladur 2023. Ils experts hajan valità la situaziun uschia, che las massas da grava vegnian sin il pli a cuntanscher ils prads sur il vitg. Là vala anc adina ina zona scumandada. Quella na sto betg vegnir engrondida.
