Il project da lescha cuntegna las basas giuridicas per sustegnair finanzialmain ulteriuras mesiras da la protecziun dal clima e da l'adattaziun al clima. La finanziaziun duai succeder cun agid d’in fond da clima grischun ch’è anc da crear.
Mesiras senza squitsch
La lescha che duai esser la basa per la segunda etappa dal plan d'acziun Green Deal, sa concentrescha sin mesiras da promoziun facultativas. Ed ella n'introducescha nagins cumonds u scumonds per cuntanscher la finamira da netto nulla fin l'onn 2050, sco la regenza scriva.
Da nov lubescha la lescha da sustegnair finanzialmain projects per la protecziun dal clima innovativs, ed infrastructuras per chargiar vehichels electrics sin parcadis accessibels per la publicitad respectiv tar chasas existentas da pliras famiglias. Sustegn dettia mo per projects cun effect e cun ina buna relaziun dals custs e da l’effizienza, hai num en la communicaziun. Vitiers stoppian ils projects gidar da cuntanscher a moda durabla las finamiras da la lescha.
Rapport da la stad 2021 areguard l'emprima etappa:
