L’onn che vegn duai il Cussegl grond lura tut tenor basegn decider davart quest credit supplementar. Quel pudessi duvrar sch’il credit d’impegn existent è duvrà si. Quai per evitar che mesiras en favur dal clima che han ina basa legala – na ston betg chalar.
La regenza propona dentant al Cussegl grond – da stritgar ord l’incumbensa Kappeler meds finanzials concrets per la segunda fasa dal Green Deal. Vitiers na vul la regenza era betg gia laschar prender decisiuns, avant che l’administraziun ha elavurà l’entira basa legala per questa segunda fasa. En quest senn propona la regenza al Cussegl grond da refusar duas parts da l’incumbensa Kappeler.
L'incumbensa Kappeler stat en connex cun ils retards ch’il chantun ha – cun elavurar il messadi per la realisaziun da la segunda etappa dal plan d’acziun Green Deal. La debatta davart quella planisescha la regenza per l’emprim mez onn dal 2025.
Il Cussegl grond ha discutà il 2019 mesiras en favur dal clima:
