Il mars da quest onn han 12% dapli persunas pernottà en hotels grischuns che il mars da l'onn passà. Il dumber da las pernottaziuns saja pia creschì sin passa 628'000. Quai mussan las novas cifras dal chantun.
- Il pli grond plus hai dà en la regiun da San Bernardino/Melsocina/Calanca cun 85% dapli pernottaziuns.
- Cuira ha nudà in plus da 47%.
- Pli paucas pernottaziuns hai dà en il Partenz ed en la regiun da Mustér e Sedrun.
Pli pitschen plus da pernottaziuns en Svizra
Guardà sur l'entira Svizra è il plus in zic pli pitschen cun 3,9%. Tut en tut han las destinaziuns da turissem uschia nudà il mars 3,3 millliuns pernottaziuns. Il Grischun ha nudà cun grond avantatg las pli bleras pernottaziuns da l'entira Svizra. Sin la segunda plazza sa chatta la regiun Turitg cun 510'540 pernottaziuns il mars.