Il chantun Grischun vul promover la lavur professiunala d'artists ed artistas grischunas u cun stretga relaziun tar il Grischun. Perquai ha el decis da sustegnair trais artistas e dus artists cun mintgamai 20'000 francs. Quai ha il chantun scrit en ina communicaziun.
Quai è la 27avla giada ch'il chantun Grischun ha publitgà ina concurrenza per promover projects gronds da la lavur culturala professiunala. En tut ha il chantun examinà 31 dumondas d'artistas ed artists. Qua ina survista dals artists e da las artistas che survegnan la contribuziun dal chantun:
Or da l'archiv:
La Visarte Grischun – l'associaziun per artistas ed artists dal chantun – ha creà 38 purtraits da differents artists ed artistas grischunas en furma da videos curts en l'onn 2023. Sibilla Caflisch – ch'ha survegnì ina contribuziun dal chantun – è ina da las artistas ch'èn vegnidas purtretadas. Il project è naschì durant il temp da la pandemia da Covid. L'idea era da sustegnair e render pli visibel ils artists e lur lavur durant quai temp plain svidas. Telesguard ha rapportà.
Il 2016 aveva er RTR rapportà da l'artista Sibilla Caflisch ch'è carschida si ad Andeer. Per crear la seria «nossas ditgas» ha RTR quest onn er gì visità Ursula Brunold-Bigler – in'ulteriura victura per la contribuziun dal chantun. Ella è experta per istorgia ed ha fatg bleras retschertgas davart ditgas e fablas – per la pli gronda part rumantschas – dal Grischun:
