La hotellaria grischuna ha pudì nudar dapli giasts il favrer. Cumpareglià cun il favrer passà è il dumber da pernottaziuns creschì per 4,4% sin passa 844'220 pernottaziuns. Quai mussan las novas cifras dal chantun. Il pli grond plus hai dà per la destinaziun da Cuira cun 49% dapli pernottaziuns. Il pli grond minus per la destinaziun da Bravuogn Filisur cun passa 13% damain pernottaziuns.
Pli pitschen plus da pernottaziuns en Svizra
Guardà sur l'entira Svizra è il plus in zic pli pitschen cun 3,8%. Tut en tut han las destinaziuns da turissem uschia nudà il favrer 3,4 millliuns pernottaziuns. Il Grischun ha nudà cun grond avantatg las pli bleras pernottaziuns da l'entira Svizra. Sin la segunda plazza sa chatta il Vallais cun 567'162 pernottaziuns il favrer.
audio
Per tadlar: las novitads da las 12:00
ord RTR Audio dals 08.04.2024.
laschar ir. Durada: 4 minutas 48 Secundas.
