L'hotellaria en il Grischun ha nudà il schaner passa 720'000 pernottaziuns – in plus da bun 3%, cumpareglià cun la medema perioda da l’onn passà. Quai scriva l’Uffizi per economia e turissem dal Grischun. Las differenzas tranter las regiuns èn però grondas. La regiun Bregaglia Engiadina ha per exempel nudà dubel uschè bleras pernottaziuns sco l'onn avant. Il pli grond minus hai dà a Bravuogn Filisur cun prest 18% damain pernottaziuns. Il dumber da giasts svizzers saja s’augmentà per 2% sin 450'000.
En l'entira Svizra sajan las pernottaziuns s’augmentadas il schaner per bun 2% sin passa 3 milliuns. Il dumber da giasts da l'exteriur saja s’augmentà per 4% sin 1,4 milliuns.
audio
Per tadlar: las novitads da las 10:00
ord RTR Audio dals 07.03.2024.
laschar ir. Durada: 2 minutas 48 Secundas.
