Durant ils ultims 125 onns ha la societad d'art dal Grischun rimnà, cumprà u survegnì passa 8000 ovras d'art – quei èn maletgs, sculpturas, fotografias. Las ovras las pli veglias en la collecziun dateschan dal 18avel tschientaner – las ovras las pli novas èn vegnidas fatgas da nov per l'exposiziun «Von hier aus.» Il directur e curatur Stephan Kunz di ch'en la planisaziun da l'exposiziun haja dà differentas difficultads. «La tscherna da passa 8000 ovras n'è betg simpla», di el.
Ina sfida è stada da far punts tranter ils differents temps, e da betg simplamain far cronologicamain l'exposiziun.
Al curatur èsi stà impurtant da mussar ovras spezialmain enconuschentas – ma er da mussar novas ovras, che n'èn anc mai vegnidas exponidas fin ussa. Quai che saja dentant stà per el il pli impurtant èn las ovras emprestadas. Cun quai less el mussar en tge direcziun che l'exposiziun pudess ir.
-
Bild 1 von 5. Stephan Kunz maina tras il museum. Bildquelle: RTR.
-
Bild 2 von 5. Ovras da l'artist Andreas Walser. Bildquelle: RTR.
-
Bild 3 von 5. Tenor il curatur è quai il cor da l'exposiziun. Bildquelle: RTR.
-
Bild 4 von 5. Bildquelle: RTR.
-
Bild 5 von 5. Bildquelle: RTR.
La finamira saja er stada da dar ina nova invista en la collecziun – e quai è gartegià tenor Stephan Kunz. Sch'ins va damai tras ils dus edifizis, ves'ins 125 onns istorgia d'art grischuna.