Il salvament alpin da la regiun Tusaun/Schons ha gì in exercezi spezial per il cas d’urgenza. Il scenari da l’exercizi: salvar ina persuna disgraziada en la chavorgia da la Viamala – pervi da las cundiziuns d'aura na po il helicopter dentant betg sgular. Sa participads a l'’exercizi en la Viamala èn 12 persunas dal salvament alpin.
Sugas enstagl d'in helicopter
In dals 12 commember dal salvament alpin ha giugà il disgrazià ed in auter il salvader. Il team da salvament sto er esser preparà per il cas ch'il helicopter na po betg vegnir utilisà per l'acziun da salvament, per exempel pervi da las cundiziuns d'aura. Per acziuns da salvament en la chavorgia da Viamala munta quai ch'i drova alternativas in zic pli spezialas. Cun sugas ed in turn a motor han ils commembers e las commembras dal salvament alpin salvà il blessà ch'era giu en la chavorgia, be paucs centimeters sur il Rain che culla tras la Viamala.
En tut ha l’exercizi cuzzà trais uras. Mintga pass è vegnì discutà en detagl. Il salvament sco tal ha mo cuzzà paucas minutas.
