Reto Thörig è fascinà da sia nova incumbensa. «La regiun Viamala è extraordinariamain diversa e plain stgazis», di l'um da 51 onns che pendulescha tranter Andeer e Basilea. Sco gronda sfida vesa el l’impurtanza savens sutvalitada dal turissem. Entant che lieus sco Spleia stiman il turissem, manca questa percepziun en auters lieus da la regiun Viamala.
Blers puncts culminants
Tar ils puncts culminants da la regiun tutgan ils chastels en la Tumleastga, la chavorgia Viamala e la via Spleia, ina da las rutas da viandar las pli popularas da la Svizra. Thörig vul prolungar la durada da las pernottaziuns e meglierar la commerzialisaziun internaziunala. Products regiunals sco sorts da maila anticas, lentiglias e purschidas persistentas stettian spezialmain en il center, di el. In project nov è ina seria da podcasts emnila, nua che persunas interessantas da la regiun vegnan preschentadas. Thörig spera che forzas innovativas nizzegian las schanzas dal turissem per sviluppar la regiun communablamain.
