Avant in onn è la radunanza generala da l’Uniun dals Grisch sa decidida per in co-presidi. Victoria Mosca e Gianna Duschletta han surpiglià il timun. Durant quest onn han las duas dunnas, ensemen cun la suprastanza, manà tras differentas occurrenzas. Da la festa per ils 120 onns Uniun dals Grischs, differentas prelecziuns, fin a sairadas da poetry slam.
A mai persunalmain para quai propi bel, ch’ins po partir la responsabladad e las resursas.
Occurrenzas duain purtar sa sezzas finanzialmain
Cun agid da generus sponsurs, saja la finanziaziun da circa mintga occurrenza stada segirada. Che mintga occurrenza duai purtar sa sezza finanzialmain saja la mira da la suprastanza, di Victoria Mosca. Er sajan questas occurrenzas lieu per inscunters tranter ils circa 200 commembers e commembras da l’Uniun dals Grischs.
Il «Chasin Manella» en tschertga d’in nov dachasa
La libraria «Chasin Manella» che appartegna e vegn gestiunà da l’uniun è dapi plirs onns deficitar. L’idea è, che la libraria fa midada èn la chasa Planta a Samedan. La suprastanza saja en discurs cun la fundaziun che posseda la chasa. La chaussa saja en l’agenda da lavur per quest onn.