Radunanza ordinaria a Lavin
-
Bild 1 von 3. La radunanza ordinaria a Lavin. Bildquelle: RTR.
-
Bild 2 von 3. La suprastanza da l'Uniun dals Grischs. Bildquelle: RTR.
-
Bild 3 von 3. La suprastanza da l'Uniun dals Grischs. Bildquelle: RTR.
L’Uniun dals Grischs ha cumprà ils dretgs dal vocabulari rumantsch da Gion Tscharner, il redactur dal stgazi da pleds en vallader ed era puter e quai per 30’000 francs. Tenor la presidenta da l’UdG preves'ins da nizzegiar quellas datas per il dicziunari online, plinavant era per ulteriurs projects digitals innovativs.
Poetry Slam Engiadinais
Il program da l'onn prevesa da realisar en quatter lieus en Engiadina il «Poetry Slam Engiadinais» nua ch'i va per ina concurrenza da poets e poetessas che raquintan lur texts en furma ludica, critica e tut tenor era enorm spert.
La suprastanza da l’Uniun dals Grischs constatescha ina tscherta difficultad da chattar sco uniun la nischa gista. Els prevesan perquai da tschertgar contact cun autras uniuns rumantschas, sco per exempel la Lia Rumantscha per pudair sclerir tgi che fa tge lavurs en avegnir.
La radunanza generala ordinaria ha gì lieu a Lavin, nua che radund 30 persunas s’han inscuntrà.