-
Bild 1 von 3Legenda: MAD, Repower -
Bild 2 von 3Legenda: La surfatscha dal tetg munta a 5'800 meters quadrat. MAD, Repower
-
Bild 3 von 3Legenda: Ils panels solars èn spezialmain stabils per er pudair purtar ina vetta da naiv. MAD, Repower
Sin il tetg da la nova serenera a S-chanf vegn er producì electricitad cun forza da sulegl. Sco quai che la Repower communitgescha saja installà il pli grond indriz fotovoltaic da l'Engiadina cun bunamain 3'500 moduls ed ina surfatscha totala da 5'800 meters quadrat. L'implant è avant curt vegnì collià cun la rait electrica. Il manaschi da la serenera cumenza dentant pir la stad da l'onn che vegn.
Il nov cundriz fotovoltaic prestia 1,1 MW e producescha ad onn fin 1,45 uras gigawatt electricitad. Quai correspunda al consum da 325 chasadas. Las investiziuns per l'implant fotovoltaic muntan ad 1,7 milliuns francs.
Ord l'archiv:
1'280 moduls fotovoltaics èn installads sin il mir da serra Albigna en Val Bregaglia. Questa installaziun sin 2’100 meters sur mar dal EWZ, è cun ses 670 meters lunghezza il pli grond implant autalpin.