Sco quai ch'il president da la cumissiun dal Center da sport Clemens Berther di, saja il lieu ideal per in implant fotovoltaic. La firma Repower installass quel. Uschia pudess la vischnanca spargnar custs da ca. 180’000 francs per cuvrir il tetg ed avess l’avantatg da pudair producir energia dal sulegl.
Producir idrogen
Il tetg vegniss curclà sin ina surfatscha da ca. 3000 meters quadrat. L’implant fotovoltaic produciss energia da passa 500’000 uras kilowatt – quai è energia per almain 100 abitaziuns grondas. Cun quest implant pudess ins forsa era producir idrogen – l’idea vegn discussiunada cun plirs partenaris. Idrogen pon ins duvrar per stgaudar, cura ch’i fa propi fraid.
Emprima etappa: 10 milliuns francs
L’emprima etappa da sanar il CSC custa da quai da 10 milliuns francs, la segunda 5 milliuns. En l’emprima etappa vegn realisà dus terzs, en la segunda il rest dal project. Il mument vegnan preparads ils fatgs e las cifras. La cumissiun quinta da pudair instradar ils pass politics l’enviern/primavaira 2020. La decisiun finala han las votantas ed ils votants da Mustér.
RR actualitad 12:00