Svizra - Indemisaziuns be pli per gronds implants fotovoltaics
Midada sin il sectur da l'energia. Tgi che gestiunescha in implant fotovoltaic cun ina prestaziun da pli pauc che 100 kilovats na duai betg pli survegnir in'indemnisaziun. Pervi da la lunga glista da spetga vul il Cussegl federal augmentar la limita.
Il parlament ha vulì laschar la limita sin il nivel actual. En la lescha d'energia revedida na survegnan sulet implants cun prestaziuns damain che 10 kilovats nagina indemnisaziun.
Las disposiziuns executivas van dentant be en vigur sche votantas e votants acceptan il prim pachet da mesiras da la nova strategia d’energia.
Il Cussegl federal ha mess en consultaziun ina entira retscha d'ordinaziuns en connex cun l'emprim pachet da mesiras da la strategia d'energia.
