Avant radund in on han ils iniziants dal project ScuolSolar inoltrà il project tar il chantun Grischun. Tenor il manader dal project Chasper Alexander Felix che lavura sco manader tecnic tar la vischnanca da Scuol, ins fa quint cun il consentiment durant ils emprims mais dal proxim onn.
Quel permiss da fabrica cuntegn anc dapli cundiziuns, quels ins sto alura integrar en il project actual ed elavurar anc ina giada il studi da factibilitad.
ScuolSolar sperescha sin midament da las cundiziuns
Tenor il project federal «Solarexpress» en ils projects solars obliads d’avair fabritgà almain 10% dal project enfin a la fin dal on 2025. Tenor il manader dal project a Scuol, Chasper Alexander Felix n’è quai betg pli pussaivel, perquai spereschan els sin adattaments davart dal parlament Svizzer per pudair tuttina cumenzar cul project «ScuolSolar».