Tenor infurmaziuns dal president communal da Samedan, Gian Peter Niggli, sajan vegnids inoltrads a la vischnanca dus recurs encunter la dumonda da bajegiar da la Energia Solara Engiadinaisa SA.
In recurs encunter il project da l’implant solar sin la planira sper la plazza aviatica a Samedan saja vegnì da la gruppa d’interess «Na a l’implant solar Samedan». Ella crititgescha ch’il project saja sa midà marcantamain dapi la missiva, senza che la populaziun è vegnida infurmada. Tras ina reducziun da la surfatscha na correspundia betg pli la relaziun tranter ils custs ed il niz.
In ulteriur recurs è vegnì da la Infra - la possessura da l'infrastructura da da la plazza aviatica regiunala Samedan. Avant che la regenza grischuna decida en chaussa, ha l’Uffizi per il svilup dal territori da tractar la dumonda da construcziun.
