La suprastanza communala da Samedan ha contractà cun ils possessurs da las parcellas a reguard ils dretgs e duairs per nizzegiar las parcellas, quai tenor il rapport da la vischnanca.
Il contract da servitut cun ils possessurs vegn ussa suttamess a la radunanza communala che ha lieu ils 11 da fanadur. Dal 2023 aveva la radunanza communala da la vischnanca da Samedan dà da princip glisch verda per la realisaziun dal project fotovoltaic en il rom dal project Solarexpress inizià da la Confederaziun.
Meglieraziun da las parcellas
Las parcellas sin la planira enturn la plazza aviatica è per part parcellada fitg ferm. En connex cun la eventuala realisaziun dal project fotovoltaic fa la vischnanca la proposta da realisar ina meglieraziun per megliurar era la cultivaziun. Questa meglieraziun vegn era preschentada en occasiun da la radunanza communala dals 11 da fanadur, uschia il chanzlist communal.
