-
Bild 1 von 4Legenda: La staziun da las duas pendicularas a Samignun. RTR, Georg Luzzi -
Bild 2 von 4Legenda: 180 persunas han lieu en questa cabina - la pendiculara Samignun. RTR, Georg Luzzi
-
Bild 3 von 4Legenda: La staziun da la pendiculara Samignun. RTR, Georg Luzzi
-
Bild 4 von 4Legenda: Il piz Ot (il Matterhorn da Samignun) e sin l'auter mut las pitgas da la pendiculara Samignun. RTR, Georg Luzzi
Avertura
Normalmain avra la regiun da skis Samignun/Ischgl la fin da november, ma causa las decisiuns en Austria n?è quai betg pussaivel. Ussa avra la part Svizra ils 11 december ed Ischgl in'emna pli tard. Il motiv è che la regiun dad Ischgl sto emprim avair il consentiment definitiv dal stadi e lura anc avair radund 10 dis temp per esser pronta.
Mesiras
En Svizra vala la distanza dad in meter e mez tranter persunas, en Austria percunter in meter, els prendan adina la varianta pli severa. Il directur da las pendicularas di cleramain
Per nus èsi cler – i vala da questa e da tschella vart da la muntogna las medemas prescripziuns
Persunal
Radund 750 persunas lavuran sparpaglià sin tut la regiun da skis e recrutar anc dapli persunal vegn betg en dumonda, uschia il directur. Els han perquai mess ensemen teams: il team da gastronomia fa il viadi sin la muntogna, mangia e resta ensemen senza avair contact cun auters teams e quai vala er per il team salvament, tecnica, implants ed uschia vinavant. L'unic problem vesa il directur la saira cura ch'il persunal è a chasa, là spera el sin la disciplina da mintgin.