Durant l’ultima occurrenza davart ils 500 onns giubileum dal stadi liber da las trais lias a Sondrio en Italia, nua ch'ins ha festivà l'istorgia, han ils responsabels e responsablas da las regiuns cunfinantas dal chantun Grischun e quellas da l’Italia introducì l’idea d’in nov pact.
Regio Retica
Sco differents projects sur cunfins, sco per exempel il project «Terra Raetia» da la regiun austriaca dal Tirol dal Nord, l’Engiadina Bassa e quella taliana dal Tirol dal Sid, vul quest project promover la collavuraziun tranter las regiuns talianas da la Valtelina e Valchiavenna e quellas da las regiuns Malögia e Bernina. Manegià è en emprima lingia da stgaffir in instrument da guvernanza, che duai simplifitgar la birocrazia sur cunfin e far vegnir uschia pli effizient ils differents projects sur cunfins.
E sperond che la birocrazia na vegn betg quel factur che limitass la collavuraziun, vulain nus far tut il pussaivel per simplifitgar e dinamisar questa organisaziun sco en Svizra.
Lavurar ensemen era tar temas critics
In dals temas menziunads, è quel dal turissem e da las plazzas da lavur. Fin uss, concurrenzeschan las regiuns per impiegads ed impiegadas en differents secturs da lavur. Quest project duai sligiar quest problem.
Per mai èsi adina meglier da collavurar sco da cumbatter.
La basa per ina collavuraziun sur cunfin è fatga. En il proxim pass duain ils responsabels e las responsablas concretisar las finamiras ch’ins vuless cuntanscher ensemen.
-
Bild 1 von 3Legenda: Nora Saratz Cazin Presidenta communala da Puntraschigna RSI
-
Bild 2 von 3Legenda: Davide Menegola President da la Regiun Sondrio RSI
-
Bild 3 von 3Legenda: La sala da la festa a Sondrio RSI