L'interpresa è sa sviluppada durant 10 onns d'ina pitschna lainaria ad in manaschi impurtant che reunescha la construcziun da lain, la resgia ed il commerzi da lain. Be Lain è actualmain la resgia la pli gronda dal Grischun, sch'ins resguarda la lunghezza dal lain elavurà vinavant. La distincziun undrescha il rinforzament da la chadaina da valurisaziun regiunala «lain» tras la gestiun da Michi Beer e Valeria Plouda Beer.
Svilup da l'interpresa ed expansiun
Dapi la fundaziun l'onn 2015 è Be Lain s'engrondì fermamain. La lavur è creschida da tschintg sin ventg collavuraturas e collavuraturs. In pass decisiv per il svilup è stada la surpigliada da l'anteriura resgia Koch a Ramosch, che ha gì lieu l'onn 2021. Uschia ha l'interpresa pudì far midada en la zona da mastergn Plan da Muglin ed integrar la resgia sco er ils collavuraturs da fin uss. Il fanadur 2024 ha la nova resgia cumenzà cun la gestiun che po elavurar bostgs da fin 15 meters lunghezza. Be Lain ha planisà da resgiar var 2'000 meters cubic laina l'onn, la gronda part da la laina deriva da la vischnanca da Valsot.
Filosofia e products
La filosofia da manaschi da Michi Beer e Valeria Plouda Beer è quella dad elavurar localmain il lain «da la planta fin tar la chasa». In'attenziun speziala vegn dada a laina da glina che vegn derschida ed elavurada al lieu sco er a laina dad arder d'auta qualitad che deriva da faus dal Partenz. Questas praticas na promovan betg mo la creaziun da valur regiunala, mabain gidan er a stgaffir plazzas da lavur ed a vivifitgar circulaziuns localas.