Serrar la davosa largia, quai vuless Enrico Uffer cun la resgia gronda a Tinizong. L'interprendider da lain da Savognin vuless en futur nizzegiar la resursa guaud al lieu ed uschia optimar custs, viadis da transport e porscher ina plivalur al client.
Il consument vul savair d'anunder che ses product vegn.
Resumescha el il trend ch'el enconuscha sco firma da construcziun cun lain. Ed uschia duess la laina vegnir elavurada al lieu nua ch'ella crescha.
Tuts profiteschan
D'ina resgia gronda, la pli gronda en il chantun Grischun, profiteschan tuts. La vischnanca da Surses per exempel po en futue vender a la resgia l'entir tagl annual e betg sco enfin qua be 8'000 cubics enstagl da 13'000 cubics, quinta Pascal Murbach, il manader da l'Uffizia forestal da Surses.
Laina vegn dentant da l'entira regiun Alvra, uschia che er furniturs e firmas forestalas profiteschan.
Enrico Uffer quinta cun investiziuns da 18,5 milliuns francs che investurs privats surpiglian. L'enviern 2023 duess la resgia esser en funcziun.
-
Bild 1 von 3Legenda: Vegn a sa midar - la resgia a Tinizong. Tona Poltera
-
Bild 2 von 3Legenda: L'areal da la resgia a Tinizong vegn a sa midar. Tona Poltera
-
Bild 3 von 3Legenda: L'areal da la resgia veglia a Tinizong vegn surbajegiada cun ina nova resgia gronda. MAD