Radund 130 chatschadras e chatschaders sa mesiran cun sajettar e cun la flinta, plinavant datti ina cursa da skis. L'ambiziun da mussar ina ferma prestaziun e cuntanscher ina bun plazza da rangaziun è en mintga cas avant maun tar las participantas ed ils participants. En il center stat tuttina oravant tut la cumpagnia. L'inscunter annual da chatschadras e chatschaders dals trais pajais Svizra, Germania ed Austria è ultra da quai er ina plattafurma per parter in cun l'auter experientschas ed aventuras da la chatscha.
Impurtant esì d'avair plaschair, ma segir era da realisar ina buna prestaziun.
Durant l’inscunter vegn lura gugent fatg politica, discutà dal material da chatscha e schizunt debattà davart la problematica dal luf.
Uschia sco ins po regular il tschierv ed il chamutsch, ston ins en l'avegnir era pudair regular il luf.
Il campiunadi mundial da chatscha exista dapi l’onn 2011. Dus hoteliers e chatschaders dal Montafon en il Vorarlberg, han gì da lez temp l’idea da cumbinar la chatscha cun l'ir cun skis. Dapi 14 onns han ils campiunadis da chatscha che duran trais dis pia lieu regularmain – questa giada s'entaupan ils chatschaders e las chatschadras a San Murezzan.
Precisiun e cumpagnia al campiunadi mundial
-
Bild 1 von 8. Chatschaders in pau selvadis che giaudan d'ir ina giada cun la sutgera amunt. Bildquelle: RTR.
-
Bild 2 von 8. Pronts per sa mesirar sin la pista cun ils ulteriurs chatschaders. Bildquelle: RTR.
-
Bild 3 von 8. Die Startzone ist dem Anlass entsprechend geschmückt. Bildquelle: RTR.
-
Bild 4 von 8. Cun bler elan sa metta quest chatschader sin via aval .... Bildquelle: RTR.
-
Bild 5 von 8. Sajettar cun la flinta è ina disciplina sper l'ir cun skis. Bildquelle: RTR.
-
Bild 6 von 8. Precisiun è dumandà per sajettar cun il schluppet. Bildquelle: RTR.
-
Bild 7 von 8. Participants e participantas spetgan per sajettar. Bildquelle: RTR.
-
Bild 8 von 8. Impurtant è oravant tut l'amicizia e la cumpagnia. Bildquelle: RTR.